నా కలం నా కవనం

ఎన్నటికి మారవు..

2012-01-31T21:42:00.002+05:30

హరిదిక్కునుదయించి అపరదిశనస్తమించడం
సూర్యుడు
ఘృతాచమున మిరమిర మెరుపుల్ మెరిసి
అంశకమున అంతర్దానమవడం
నక్షత్రాలు
ద్విపక్షమంతనూ భువికి వెలుగునందించి
మాసమునకోసారి చీకటిపాలవడం
చంద్రుడు
నిత్యం అంబరాన్నందుకొవాలని ఆశపడి అలిసిపోవడం
కెరటాలు
తొలిప్రొద్దు వికసించి మలిప్రొద్దు వాడిపోవడం
పువ్వు
ఒక హృదయాన విషాదం మరు హృదయాన ప్రహ్లాదం
రెండింటికి కారణమవడం
ప్రేమ

మహర్షి

ఏవైపు.?

2012-01-10T03:18:00.003+05:30

ఒకవైపు దేశం దహనమైపోతుంది
మరోవైపు మన యువత నిద్రిస్తున్నారు
ఒకవైపు దుండగుల దండు దేశాన్ని దండుకుంటుంది
మరోవైపు దండగ పండగల ప్రజలు పరవసిస్తున్నారు

ఒకవైపు ఆకలి డొక్కల కేకలు
మరోవైపు పబ్బుల డబ్బుల షోకులు
ఒకవైపు గతుకుల దారిన అతికిన బతుకులు
మరోవైపు తారు దారుల కరీదు కారులు

ఒకవైపు శిదిలాలకు ప్రాణం పొసే కలాకారులు
మరోవైపు మద్యానికి ఆజ్యం పొసే చరిత్రకారులు
ఒకవైపు ధర్మస్తాపనకై నిరహారదీక్షలొ నీతి పోరాటం
మరోవైపు అధర్మాల ఆస్తులు పెంచేందుకు అవినీతి అరాటం

ఆవైపా ఈవైపా నీ దారి ఏవైపు.?

మహర్షి

నా మరణం

2011-12-24T04:16:00.004+05:30

నేను మరణిస్తాను
నా తల మీద రెపరెపలడుతూ దీపం
కాల్ల ముందు పొగలు కమ్ముతు కుంపటి
కొందరు వెక్కి వెక్కి గుండె పగిలి ఏడుస్తారు
మరికొందరు వెక్కిలిగా పడి పడి పగలబడి నవ్వేస్తారు
కొదరు జీవిచడం తెలీదంటారు
మరి కొందరు జీవితం తెలిసినవాడంటారు
హీనుడనని కొందరు దీనుడని ఇంకొందరు ధీరుడని మరికొందరు
గుఢచారులల గుసగుసలాడుతారు
ఇదంతా తీక్షనంగా వీక్షిస్తుంటాను
తాటాకు పాడె మీద పడుకుని నేను
మొసేవారెవరు ముందు నడిచేవారెవ్వరు
లెక్కలేస్తారు కలిసికట్టుగా అందరు
నాపై చల్లిన చిల్లర ఎరుకుంటు
పిల్లాడొకడు పరిగెడుతూ ఉంటాడు
నా శవయాత్ర కాటికి చేరగా
చితి పేర్చి దహనం చేసి
దుఖ్ఖాన్ని దిగమింగేసి నటిస్తూ వెల్లిపోతారు
కాలుతున్న చితి నుండి
కట్నం వచ్చిన కాటికాపరి ఆనందాన్ని
ఏరుకున్న చిల్లర పొగేస్తున్న చిన్నోడి సంతోషాన్ని
చూస్తు చావులో బ్రతుకని సంతోషిస్తూ
నిప్పుల్లొ కాలిపోతాను నింగికి ఎగిరిపోతాను

మహర్షి

ఆనందం

2011-12-13T00:26:00.001+05:30

నిన్ను చూసిన క్షణం నా ఆనందం
అక్షరాలలో అభివర్ణించేది కాదు
అందుకు బదులుగా
నక్షత్రాలన్నీ నింగినుండి పోగుచేసి
నీపై కురిపించాలనివుంది
నిండు చంద్రుడిని ముప్పవు ముక్క విరిచి
కర్పురంలా వెలిగించి నీకు దిష్టి తియ్యాలనివుంది
ఇంద్రధనుస్సుని తెచ్చి
నీ పసిపాదాలు కందకుండా తివాచిలా పరచాలనివుంది
మేఘాలన్నీ చెరిపేసి ఆకాశాన్ని మడతపెట్టి
నీ పానుపులా మార్చాలనివుంది
ఒక్క మాటలో
నా ఆనందాన్ని రెట్టింపు చేసి
నీకు అందిచాలనివుంది నా అనుబంధమా

మహర్షి

2011-12-11T17:24:00.004+05:30

మనిషి చచ్చిపొతె ముందు ఏడుస్తారు

తరువాత మట్టిలొ పూడుస్తారు

మనసు చచ్చిపొతె ముందు జ్ఞాపకాలను పూడుస్తారు

తరువాత మౌనంగా ఏడుస్తారు

మహర్షి

ఆనందం

2011-12-11T17:20:00.001+05:30

రెక్కలు విరిగిన పక్షికి అవి తిరిగొస్తే..?

ఒడ్డున పడ్డ చేపకి అల దరికొస్తే..?

ఈ క్షణం నేను ఆ పక్షిని,చేపని...!

మహర్షి

2011-12-06T17:46:00.004+05:30

నింగి సంద్రపు అడుగున
దాగిన తెప్పల ఆల్చిప్పలు
ఆల్చిప్పల రెప్పలలొ
దాగిన చిరు చినుకుల ముత్యాలకై
వేచి వేచి నింగికేసి ఎదురుచూసే రైతును చూసి
కరుణించి వరుణించేనా ఆ నింగి.?

మహర్షి

నాకు గతం కావాలి...!

2011-11-06T11:49:00.001+05:30

ఈక్షణం భ్రమించే భూమి స్థంభించిపొవాలి

ఒకేఒక్కసారి వ్యతిరేక దిసగా తిరగాలి

ఆనాటి రాతి యుగానికి కాదు

క్రీస్తు యుగానికి కాదు

కేవలం నీతొ గడిపిన నిన్నటి క్షణాల వరకు

నేనే నీ ఏకైక స్నేహమైన ఆనాటి కాలానికి

అనుమానాలకి తావులేని నీ పసిమనసు ప్రాయంలోకి

నా ప్రపంచం నీవైన ఆ ప్రపంచంలొ,

నాతొ పాటు ఆనందించిన జ్ఞాపకాల గతంలొకి

నిత్యం నే గెలిచే అంతక్షరిలో నీతొ నేనోదిన నిమిషాల్లొకి

నింగి ఎండను నీమీద పడకుండా

నీకే తెలియకుండా

నీడలా నీవెనక నడిచిన నిరుడుదారుల్లొకి

ఎంత అవివేకినో కదా మరి నేను..?

పూడ్చేసిన గతాన్ని తవ్వగలనే కాని

మరణించిన మధురానుభూతికి ప్రాణం పోయాలేను కదా మరి...!

మహర్షి

2011-10-24T21:13:00.001+05:30

ఒక రెక్క విరిగి పడింది గువ్వది
ఒక చుక్క రాలిపడింది నింగిది
ఒక చినుకు జారిపడింది మబ్బుది
ఒక పువ్వు తెగిపడింది కొమ్మది
ఒక బంధం విడిపడింది మనది
ఒక జ్ఞాపకం గాయమైంది నీది
ఒక హ్రుదయం ముక్కలైంది నాది

మహర్షి

నేను..!

2011-10-17T12:13:00.001+05:30

బంధలకు నే బానిస కాననుకున్నాను
అనుబంధాలకు అతీతుడినని విర్రవీగాను
చేరువైన వారిని దూరంగ నెట్టెసాను
ఆదరిస్తే చీదరించాను
అభిమానిస్తె తిరస్కరించాను
ప్రేమించినవారి ప్రాణాలు తీసాను
ఏనాడు పశ్చాత్త పడలేదు
నన్ను మెచ్చిన వారు ఎందరో వున్నారని
నన్ను నచ్చిన వారు ఇంకెందరో వున్నారని
నేను అసమానం అని ఆకాశమని ఆనందించా

నా పొగరును పరాభవించడానికి నిన్ను పరిచయం చేసాడొ ఎమో
ఆకాశంలా వున్న నాకు జాబిలిని చూపించాడు
మెరిసిపోతున్న తనతో మైత్రిచేయించాడు
పసిపాప మనసుతనది అంతకంటే ఆనవ్వు అందమైనది
వత్సములు మాసములా మాసములు వారములా
వారములు రోజుల రోజులు క్షణాల్ల గడిచిపొయాయి
బగవంతుడిలా వున్న నేను భక్తునిలా మారిపోయా
నా మేధస్సును మరిచాను తన పాదాలాకింద నా మనస్సుని పరిచాను
ఈక్షణం తన మాట నాకు శాసనం
తన బాధ్యత నాకు వరం
తన ఆనందం నా కర్తవ్యం
తన క్షేమం నా ఊపిరి
ఇదే నాజీవనశైలిగా బ్రతుకుతున్నాను
అంతలొ ఒక అపార్ధం అమావాస్యలా మింగేసింది
జాబిలిని కాదు ఆకాశమైన నన్ను
ఇన్నళ్ళ అనుబంధానికి అర్ధం లేకుండాపొయింది
ఆకాశమైనా నేను తన బంధానికో
అనుబంధాల్లొ అపార్ధానికో అంతమైపోతున్నాను...

మహర్షి

నా ప్రపంచం

2011-10-16T11:21:00.001+05:30

నాదొక వేరు ప్రపంచం

నేను తప్ప మరెవరు కనిపించని నాదైన సొంత ప్రపంచం నా వింత ప్రపంచం

నా ప్రపంచానికి కాపలగా గడియారపు జంట సైనికులు నిలకడలేక నిత్యం గస్తికాస్తుంటారు

నన్ను నిద్రలెపేందుకు సూర్యుడు లేడక్కడ

తెలవరంగానే నీకు సందేశం ఇవ్వలన్న ఆలోచన తెలవారకుండనే తడుతూనే వుంటుంది నా తలు(ల)పు

నా ప్రపంచంలో గాలికి సైతం చోటుండదు

నీ నిశ్వస నా ఉచ్చ్వాసగా నానిశ్వస నీ పేరుగా ఇదే నా తీరుగా బ్రతుకుతున్నవాడిని

నా కాలక్షేపనికి గతం నాటిన జ్ఞాపకాల తోటలొ రాలిపడ్డ పూలను అతికిస్తూ వుంటాను

అప్పుడప్పుడు నీ పలుకులు పట్టుకొచ్చె నెట్వర్క్ నేస్తాలు..!

నీ క్షేమసమాచారం చేరవేసె యాంత్రిక చుట్టాలు..!

నా ప్రపంచంలొ రాతిరి నక్షత్రాలుండవు

ఉదయం నుండి నీకై నెరాసిన అర్ధంకాని అక్షరాలె ఆకాశంలొ కాలిపోతు కనిపిస్తాయి

నన్ను నిద్దురపుచ్చేందుకు జాబిలి లేదక్కడ

నీ మోమును జాబిలిగా నీ నవ్వును వెన్నెలగా కలగంటూ కల్లుమూసుకుంటాను..

వింతేమిటంటె నాదైన ప్రపంచంలొ నన్ను గూర్చిన తలపు ఒక్కటీ వుండదు

ప్రతీ చోట నీ ఊహలే ప్రతీ క్షణం నీ ఊసులే

మహర్షి

నా నిఘంటువు...

2011-10-12T18:06:00.001+05:30

ఇది పుస్తకంలొ నే రాసిన పుట కాదు
నా మది కాగితంపై కాలం రాసిన కవిత
సానంతొ ఒక్కో వేటు వేస్తు చెక్కిన రాత
వేటుపడిన చోటల్ల రక్తపు రంగున గీత
ప్రతీ అపార్ధాల అక్షరానికి మరో అర్ధం
యుగాల తరబడి నడిచా నిఘంటువుల నడుమన
వెతికిన చోటల్ల వెంటపడి తరిమిన వోటమి
విది వెతికేందుకు సాయం చేసింది
విచిత్రంగా నా పదనిధి నీవంది
నా ప్రతీ అక్షరానికి అర్ధం నీవయ్యవు కాని ఆకరిలొ
నా ప్రపంచమే అపార్ధమని ఉపద్రవంలా ముంచేసావు

మహర్షి

అనుబంధం

2011-10-09T12:11:00.000+05:30

ఒక అనుబంధానికి బంధువులు ఇద్దరు
ఆ ఇరువురికి తెలియని విషయం
ప్రతీ బంధానికి ఒక ముడిపడుతుందని
దానికి కాలం జ్ఞాపకాల కళ్లెంవేసి బిగిస్తుందని

అచ్చం అలాగె ముడిపడిన మన బంధానికి
కాలం చెల్లిపోయిందొ లేదా కళ్లెం వూడిపోయిందొ
అనుబంధపు ముడి చిక్కులా మారిపొయింది
అంతలో బంధం నిన్ను విడిచిపోయింది
వదలలేక నన్ను మెడకు వుచ్చులా బిగిసింది

మహర్షి

2011-10-09T11:36:00.000+05:30

తీరానికి తలలు కొట్టుకుని అలలు
అపార్ధాల అంచులు దూకి నేను
సముహిక ఆత్మహత్యచేసుకున్నము
అలల ఆత్మలు ఆకాశానికి ఎగిసి మేఘరూపం దాల్చాయి
నా ఆత్మ దూలిగా మారి నీపాదాలు పట్టుకు వేదిస్థొంది
తానూహించినట్టి తుచ్చ నీచ తత్త్వము తనదికాదని..!

మహర్షి

మౌనకావ్యం..!

2011-10-03T20:35:00.004+05:30

నా కాగితంలొ పిచ్చిగీతలు
నీతో పలకలేని నా మదిమాటలు....

నేరాసిన అక్షరాలు కంటికి కనిపించవు
మనసుతో చూడగలవ మరి..?

మౌనం నా పరిభాష
నీకు అర్ధమౌతుందని నా అత్యాశ...?

నా మౌనం చెవులకు వినిపించదు
కంటితొ వినగలవ మరి..?

మహర్షి

వార్త పత్రిక

2011-09-22T09:44:00.001+05:30

జాబిల్లిని చూస్తు నిద్దురపోయిన నన్ను
పొద్దువాలగానే నిద్దుర లేపింది ఒక ఆర్తనాదం
ఒక్కసారిగా కనులు తెరచి తలుపు తెరిచా
మంచుతో మసికొట్టుకుపొయింది ప్రపంచం
ముంగిలిలొ ముద్దుగా దిద్దిన ముగ్గులు
మురుస్తూ ముందుకు వెళ్లిన నాకు
మరింత చేరువలో చెవిని చేరింది ఆర్తనాదం
అటుపక్క ఒక అడుగు వేసా
రక్తపుమడుగులో పడివున్న వార్తావనిని చూసి
వొనుకు పుట్టింది వెన్నులొ
వెన్నులో భయన్ని తాకట్టుపెట్టి
అప్పుతెచ్చుకున్న దైర్యాన్ని కర్చుపెట్టి
ఆపన్నహస్తం అందించి హక్కున చేర్చుకున్నాను
అప్పుడు చెప్పింది నన్ను అబ్బుర పరిచిన
తన ఆవేదన అంతా
అక్కరకు రాని నిజాలు
అంతులేని అబద్ధాలు
మానవ మృగాల చేతలు
అవి తోసిపుచ్చే నేతలు
కుంభకోణాల లోతులు
రాజ్యంగానికి పడ్డ గోతులు
భరించలేని అక్రమనుబంధాల బూతులు
మనిషి చేసే మారణహొమ తీవ్రతలు
సాగుతున్న సమ్మెలు
శిధిలమైన బొమ్మలు
దారులన్ని గతుకులు
భారమైన బతుకులు
అక్షరాల మూటలొ అన్ని కలిపి నాపైమోపి
మెడపట్టుకుని వీదిలోకి విరిసిపారేసారని.....!

మహర్షి

ఏమని చెప్పను...

2011-09-10T20:11:00.001+05:30

ఏమని చెప్పను ఎవరికి చెప్పను
నీ మీద ప్రేమను మరీచానంటూ
మదురాణుభూతులను మసిచేసానంటూ
మనసునే మోసగిస్తూ,కఠినంగా కనిపిస్తూ
లోలోన కుమిలిపోతున్నానని

ఏమని చెప్పను ఎవరికి చెప్పను
ఏబందానికి నే బానిసాకానని
ఎవ్వరికీ నే లొంగనివాడని
ఇనా ఈ ప్రేమకి లొంగి
తన బంధానికి బానిసనయ్యానని
ఏమని చెప్పను ఎవరికి చెప్పను

ఏమని చెప్పను ఎవరికి చెప్పను
నా కంటిలో కనుపాప నీవని
నా గుండెలో రూపం నీవని
నా మదిలో ప్రతీ తలపు నీవని
ఇంకా ఏమని చెప్పను ఎవరికి చెప్పను

మహర్షి

నా రచన

2011-08-31T11:34:00.001+05:30

నా కవిత రక్తసిక్త వనిత
నా కలం అగ్నిజ్వలిత కడ్గం
నా కాగితం అరుణవర్ణ మేఘం
నా అక్షరం నిశ్పక్ష్య సాక్ష్యం
మహర్షి

నీ కన్నులు

2011-08-17T00:10:00.004+05:30

నిన్నటి రాతిరి నా కలలొ
కదిలే నక్షత్రాలను చూసాను
ఎక్కడికో వేగంగా వెలుతునే వున్నాయి
నక్షత్రాలను అనుసరించి నేను అడుగులేసాను
అంతలో నీ కనుబొమ్మల గుమ్మాలను దాటి
నేరుగా నీ నయనాలయంలొ కొలువుతీరిపొయాయి
అప్పుడే తెలిసింది నా మదిని బంధించే
నీ కన్నులు శతకోటి నక్షత్ర సమూహాలని...!

మహర్షి

నారంగు నలుపు.!

2011-08-05T14:53:00.003+05:30

కాగితం తెలుపు కలానికి సిరా నలుపు
అక్షరాలు అల్లె సుద్దముక్క తెలుపు అది అల్లుకునే పలక నలుపు
నింగిలొ వెన్నెల తెలుపు అది తెలిపే చీకటి నలుపు
సప్తవర్ణాల నింగిరంగు చూపె నీ కంటి రంగు నలుపు
మదిదోచే రగాలు కూసే కోకిల రంగు నలుపు
వర్షించే మేఘాల రంగు నలుపు
అందుకే నలుపంటె నాకు ఎంతో వలపు
మనసు రంగు వుంటె తెలుపు తెలుస్తుంది విలువెంతో నలుపు
మహర్షి

ఎలా.?

2011-06-11T19:28:00.001+05:30

మేఘాలు లేనిది వర్షించేదెలా
తీరం లేనిది సంద్రం ఆగేదెలా
సూర్యుడు లేనిది ఉదయించేదెలా
చీకటి లేనిది చుక్కలు మెరిసేదెలా
జాబిలి లేనిది వెన్నెల కురిసేదెలా
సడి లేనిది మది సాగేదెలా
నీవు లేనిది నేను జీవించేదెలా...!
మహర్షి

నిన్ను చేరేదారి

2011-05-26T12:30:00.001+05:30

నిన్ను చేరేదారిలొ ఎన్నొ మైలురాళ్ళు
లెక్కపెడుతు వచ్చాను నీ దరి చేరె క్షణాలు
కాలం మన ఇరువురి నడుమన గస్తికాస్తె
కాలాన్ని కండించె ఖడ్గాన్నై
విస్పొటనంలా విజ్రుంబిస్తా
ఓక నీటిభింధువు నన్ను ఆపాలని చూస్తే
దండకరణ్యన్ని దహించిన ధావగ్నిని దండుగా మర్చి దహింపచేస్తా
ఓక మంచుముద్ధ నన్ను ఎదురిస్తే
సూర్యునిలా చెలరేగి చండ్ర నిప్పులు కురిపిస్తా
ఫంచభూతాలు న పిడికిలిలొ బందించెసైన
నీకై ప్రతిక్షణం పయనిస్తూనే వుంటా..
  మహర్షి

నీవే నా బలానివి మరి..!

2011-05-21T12:06:00.005+05:30

వేయి ఏనుగుల బలం కలవాడినే
అయినా నీ అందం ముందర పసిపిల్లడినే
సాహసానికే పాఠాలు చెప్పగల దైర్యశాలినే
అయినా నీ కళ్ళలోకి చూడలేని పిరికివాడినే
కొండలను సైతం పిండి చేయగల బలశాలినే
అయినా నీ విరుల కురుల నుండి రాలిపడ్డ
వెంట్రుకని మాత్రము లేపలేని బలహీనుడనే
కాలానికి కళ్లెంవేయగల నేర్పరినే
అయినా నీ సమక్షంలొ కనురెప్పైనా వెయలేని నిస్సహయుడినే
అవును నీకు నేను బానిసనే
అయినా ఏమిచేయను నీవే నా బలానివి మరి..!

మహర్షి

2011-05-20T15:22:00.002+05:30

ముల్లు లేని రొజా వుండదు
విషాదం లేని ప్రేమ వుండదు
చీకటి లేని వెన్నెలా వుండదు
విరహం లేని ప్రణయం వుండదు
ఉరుము లేని వర్షం వుండదు
వేదన లేని వలపు వుండదు
సడి లేని మది వుండదు

నీవు లేని నేను వుండను..!

మహర్షి

ఒంటరి

2011-05-01T19:28:00.001+05:30

వెలుతురు లేని ఈ నిశిరాతిరిలో
మెరుపు లేని తారలు నింగిలో
అలుపు లేని పిల్లగాలి వీధిలో
నిదురలేని నేను నా గదిలో
నీ జ్ఞాపకాలు నా మదిలో
మహర్షి

ఎలా మరవను.....?

2011-04-12T10:17:00.002+05:30

ఎలా మరవను నిన్నటి క్షణాలను
నీవే అంతా అని
   అరమాట కుడా చెప్పకుండా అంతమైపొయావే
నాతొనే వుంటానని
   మంటల్లొ మసైపొయావే
నీవు పెట్టిన మొదటి ముద్దు
   అచ్చై మదిపై చెరగని మచ్చై మిగిలిపొయిందే
స్నేహాన్ని ప్రేమని పొరబడిన నీ తప్ప
   ప్రేమని స్నేహమని భ్రమపడిన నా తప్పా
నీ తప్పని తెలిసి తప్పించుకునేందుకు తనువొదిలేసావా
   నా తప్పుకు శిక్షని ఒంటరిగా నన్నొదిలేసావా
గడిచిన కాలానికి మన గురుతుల గిరకలు కట్టి వెనక్కి లాగనా
   లేదా
మన అనుబంధాల అంచుల నుండి ముందుకు దూకనా...?

మహర్షి

తెలవారింది...

2011-03-13T19:31:00.002+05:30

రబ్బర్ తొ తుడిచేసిన పేజీ లాంటి ఆకాశం
నల్లమబ్బుల మరకలు అక్కడక్కడ నిలిచిపొయాయి
చిల్లు పడిన చూరు నుండి ఒక్కొ చుక్క తొంగి చూస్తుంది
చంద్రుడి చెలి పౌర్ణమి వీడిపోయింది కాబొలు
బక్కచిక్కి పొయాడు
చీకటి నల్లటి దుప్పటి కప్పి
అందరిని పడుకోమంది
అప్పటివరకు సందేహంతొ సంకోచిస్తూ
గుమ్మంలొ గస్తికాస్తున్న నిద్దుర
ఆవలింత ఆహ్వానించగా
పరిగెత్తుకు పక్కనొచ్చివాలింది
అంతలొనే సూరీడు వెచ్చటి గొంతుతో
గట్టిగా పిలిచాడు తెలవారిందని

మహర్షి

ఆకు

2011-02-27T23:31:00.001+05:30

పుడమిని చీల్చి పొడుచుకొచ్చిన ప్రతీ మొక్కకి అస్త్రం "ఆకు"
అది మానై ఎదిగిననాడు దాని మనుగడని పచ్చగా ప్రతిభింబించేది "ఆకు"

మహర్షి

నిన్నటి రొజులు

2011-02-27T17:42:00.001+05:30

నా చుట్టు జనాలు
అంతా నావాళ్లు(నా మిత్రులు)
పసందైన విందులు
అప్పుడప్పుడు చిందులు
కెఫుల్లొ టీలు
కాంపస్ లొ కబుర్లు
అనందమైన రొజులు
అందమైన ఙ్నపకాలు

అంతలొనే ఎవరికివాళ్ల కుటుంబాలు
గుర్తొచ్చిన బాద్యతలు బందుత్వాలు
జీతాలిచ్చె జాబులు
తీరిక లేని పనులు
కలవలేని దారులు

కరువైపొయిన నిన్నటి రొజులు

మహర్షి

ఒంటరి పొరు

2011-02-25T23:43:00.002+05:30

ఎక్కడైన ఎప్పుడైన ఒంటరి నేను ఒంటరి
భ్రమించె భూమి పరిభ్రమించె కాలం
మతిభ్రమిస్తూ నేను
నడిచిన దారుల తీరు యడబాటు తీరం
మౌనం నా స్నేహం మాటలు అబివార్యం
మనసేమొ మంటల పాలు నేనెమొ ఒంటరి పాలు
మురిపాలు,కొపాలు,తాపాలు
నాకు దక్కని శాపాలు
జనాల నోరు జడివాన జోరు
తట్టుకోలేని నా తీరు
వెనకెవరు లేరు దరికెవరు రారు
చెయ్యాలి ఒంటరి పొరు

మహర్షి

గర్జన

2011-02-07T16:23:00.003+05:30

ఈ మద్యకాలంలో నేను మనిషినే చూడలేదు
జనాలంతా ఉద్యమాల జోరులోపడి
మనుషులము అన్నది మరీచారేమో
జంతువులలా అందరు గార్జిస్తున్నారే.....!

ఈ తర్జనబర్జన గర్జనలు ఎందుకయ్యా అంటే
దేశాన్ని దండుకునేందుకే అన్నాడోకడు దర్జాగా.......

మహర్షి

జై కొట్టు

2011-01-27T22:51:00.003+05:30

ముచ్చటగా ముప్పైఒక్క రాష్ట్రాలు
అందరికి ప్రాంతీయ భేదాలు
ఒకవేయి ఆరువందల పద్దెనిమిది భాషలు
అందరివీ భిన్నమైన భావాలు
ఆరువేల నాలుగువందల కులాలు
ఒకరితో ఒకరికి కుమ్ములాటలు
ఆరు మతాలు
అరవై గొడవలకు కారణాలు
ఇరవై తొమ్మిది పండుగలు
ఇందులో ఎఒక్కటి జరగవు లేకుండా రక్షక దళాలు
ఇవన్ని కలిసిన ఒక్క దేశం
దయచేసి అందరు కలిసి ఉండాలి అన్నది నా సందేశం

రాష్ట్రాల కాలహం కట్టిపెట్టు
ప్రాంతీయ భేదాలు పక్కన పెట్టు
నీలో మానవత్వం బయటికి వచ్చేట్టూ

భాష దోషాలు వదిలిపెట్టు
మౌనంతో మాటకట్టు
అందరికి అర్ధం అయ్యేట్టూ

కుమ్ములాటల కులాలు క్రిందంటూ
మతాలు అన్ని మూటకట్టు
మానవత్వం రాజ్యమెలేట్టూ

దేశం అంతా ఒక్కటంటూ
మనిషికి మనిషి ఉంటే కలిసి కట్టూ
ప్రతీ రోజు పండుగన్నట్టూ
భారత దేశానికి జై కొట్టు

మహర్షి

చరిత్రను చెప్పే చెదలు(చదువులు)

2010-12-20T10:25:00.003+05:30

గడిచిన గతాల గోతులు తవ్వి
నీతులు వెతికి కోతలు అతికి
చరిత్రకు పూతలు గతికి
అచ్చేసిన కాగితాలు ఉద్ధరించవు మన బతుకులు

మహర్షి

ప్రేమ

2010-12-10T18:44:00.010+05:30

ప్రేమ

ఇది రెండు పదాలలో మాదుర్యమా

లేదా రెండు హృదయాల మదురానుబందామా

ప్రేమ

పదాన్ని పదాన్ని పెనవేసుకున్నట్టు

ఎంతో అందంగావుంటూ ఎన్నొయదలను

ఆకర్షించే అద్బూతం

ప్రేమ

రెండు అక్షరాలు రెండు హృదయాలు

మాధురమైన అనుభూతి మరువలేని ఒక స్మృతి

ప్రేమ

శిధిలమైన జ్ఞాపకాలు,ముక్కలైన మనసులు

బూడిదైన ప్రమాణాలు అంతులేని అశ్రువులు

ప్రేమ

కాలాన్ని సైతం వెక్కిరించే చమత్కారం

కవులకు సైతం చిక్కని మహాకావ్యం

ప్రేమ

ఒకమదిని కవ్వించే మదూరామృతం

ఒకమదిని కడతేర్చే కాటికవిషం

ప్రేమ

అనలం,సలిలం,గగనం,పాతాళం,పవనం,ప్రళయం

మహర్షి

ఏమని రాయను..?

2010-11-24T12:18:00.003+05:30

ఏమని రాయను దేనిగురించి రాయను

రాయాలని వున్న రాయలేకున్నా

రాజకీయ రంగుల గురించి రాయనా

శృంగార భంగిమల గురించి రాయనా..?

లేదా

నిష్ఠురమై నిస్తేజమైనా నిజం రాయనా

అధ్బుతమొ ఆనందమొ తెలియని అబధ్దం రాయనా...?

చెడును చూస్తూవున్న చేవలెని జనాలలాగా

జనాల గుణాల లగా

నిజం చెప్పలేక నీళ్ళు మింగుతున్న నికృష్ఠునిలా

రయాలని వున్న రాయలేకున్న....

మహర్షి

2010-10-12T03:08:00.002+05:30

అనందానికి అడ్డుగా నాకు నేనే గిరిగీసుకున్న

బాహ్యప్రపంచాన్ని బహిష్కరించేస్తున్న

విషాద వీషూచికతొ విహరిస్తున్న

నిషీది నిషబ్దంలొ నిశ్చేష్టగా వున్న

నా అరచేతి గీతలు,నా తలరాతలు

తలరాతల చేతలు నా కవితలు

విషాదాల భింబాలై మస్తిష్కాన్ని ఆక్రమించేసాయి

మహర్షి

2010-10-11T20:39:00.001+05:30

నన్ను నేనే కడతేర్చుకుంటున్నా

నన్ను నేనే హతమార్చుకుంటున్నా

నాలోని చీకటి చెలిని కౌతుక ఖడ్గంతో వదిస్తున్నా

నా ప్రియ కాంత ఏకాంత కాంతను ఆనందనందకంతో అంతమొందిస్తున్నా

ఉన్న ప్రేమని లేదని లేని ద్వేశాన్ని ఉందని

మార్దవమగు నా మదికి కఠినత్వపు రంగులు చిమ్మి భయటకు గెంటేసా

నా కోమలత్వం కనబడకుండా నిర్బటము నటిస్తున్నా

కాని ఎందుకు నేనిలా.?

అర్దం కాని అలొచనలా,అంతులేని అవేషాలా,అపార్దల అహలా..?

మహర్షి

దేవత..!

2010-09-09T19:34:00.004+05:30

కోమలత్వనికి కొత్తర్దం ఈకోమలి

ప్రపంచంలోని ప్రతీఅందానికి పర్యయపదం ఈ సుందరి...

నయాగారాల జలపాతాల జాలువారె హొయలు ఆమె కురులు

నింగియందు ఇంద్రధనస్సు కన్నా మిన్న ఆమె కనుబొమ్మల అందం

ఆకాశంలొ జాబిలి ఒకటె ఆమె కళ్లలొ రెండు

ఒంకార ప్రతిరూపాలు శంఖాల ప్రతిభింబాలు అమె శ్రవనాలు

ఆమె అదరాల వడిలొ జనణం గులాబి వర్ణం

వెన్నెల వేల చిన్నగా వీచె చిరుగాలి ఆమె నవ్వు

కోహినూర్ వజ్రన్ని సైతం తేలికచేసే తేజస్సు ఆమె వదనం

మరి ఆమె నడకల అందం మయురాల నాట్యమే

తన స్పర్శ తగిలినంత తన్మయమవును మనసంతా

చిరుగాలికి రెపరెపలాదుతూ నాట్యంచేసే దీపం తనరూపం...

నేను వర్ణించిన ఈకాంత...

దివి నుండి వచ్చిన దేవత....!

మహర్షి

నర్తకి

2010-08-19T10:58:00.002+05:30

నీవొ నర్తకివి

నా హ్ర్యుదయాన్ని రంగస్థలం చేసి

బహుచక్కగా నర్తించావు

నీకు తెలియనిదా నా యద అతిసున్నితమని

నా యదసవ్వడి సంగీతంలావిని తన్మయించి ఆడావా..?

నా మదిచప్పుడు చీరాకుగావిని పరాకుతొ ఆడావా..?

ఏదైతేనేమి

నీ అడుగుల అడుగున నా అంతఃకరణము అవధ్వంసమైనది

నీ తాండవంలొ నా హ్రుది భేదిల్లిపొయింది

నీ పాదాలు పంజళ్ళుద్రొక్కగా నా మది పెటిల్లిపొయింది

ఓ అర్దంలేని అనుబంధమా

ఓ క్షణమైనా

నీ మువ్వల సవ్వడిలొ నా యదసవ్వడి వినలేదా లేదా వినరాలేదా

నా హ్రుది స్పర్శకి నీ పాదాలు చెలించనేలేదా ...?

మహర్షి

2010-06-10T20:24:00.004+05:30

నీవులేవని తెలిసిన క్షణం నుండి

మరణించాలని వుంది

మనికట్టు నుండి

నెత్తురు చిందించాలని వుంది

కాని నీకిచ్చిన మాట దాటలేక

నీకు నచ్చిన నాచిరునవ్వు

గుర్తుల్ని చంపలేక

నా యదగాయాలను నీవిచ్చిన దరహాసంతొ దాచేస్తున్న

మహర్షి

జీవితం

2010-06-08T13:08:00.004+05:30

జన్మిస్తాం మరణిస్తాం మద్యలొ మరి ఏంచెస్తాం

కొందరన్నారు జీవిస్తామని,ఇంకొందరన్నారు నటిస్తామని

మరికొందరన్నారు పొరాడతామని.

సందిగ్ధసమాదానానికి అప్పుడె పుట్టిన బిడ్డ ప్రశ్న

కేరు కేరున కేకలు పెడుతుంది నన్నేది నమ్మమని

ఇంతలొ సమదానం చెబుతానంది సమాజం

జీవించడానికి పొరాడెవారు కొందరు

పొరాడేందుకె జీవించేవారు కొందరు

జీవితంలొ నటించేవారు కొందరు

నటిస్తూ జీవించేవారు కొందరు

జీవించినా,పొరాడినా,నటించినా

పుట్టుకకి మరణానికి ఒక్కటే అందరు

జన్మించేది తల్లివొడిలొనే...

మరణించేది మట్టివొడిలొనే...!

మహర్షి

నివాళి

2010-05-29T11:51:00.003+05:30

ఓ మహాకవి నీ కలానికి మా జొహర్లు

ఎందరి హ్రుదయాల్లొ సాహసాన్ని రచించావో

ఎందరి హ్రుదయాల్లొ ఆసలను ఆశయాలను లికించావో

మరెందరి హ్రుదయాల్లొ ప్రేమను ప్రేరెపించావో

ఇంకెందరి హ్రుదయల్లొ కవితా స్పూర్తిని నింపావో

ఈ భువనంపై ఇన్నాల్లు కురిసిన వేటూరి వెన్నెల

ఇక అమావాస్యగా మిగిలెనా..?

అక్షరమై వచ్చావు భువనానికి

కవితవై వొదిగిపొయావు కాగితపు నింగికి

స్పూర్తివై మిగిలావు ప్రతీ కవికి ప్రతీ కవితకు

మహర్షి

హైద్రబాదీని నేను...

2010-04-01T11:56:00.001+05:30

ముస్లిమ్ని కాను హిందువుని కాను

ఏమతానికి చందని హైద్రబాదీని నేను

జనారణ్యంలోని జంతువులమె మేమంతా

రంజాన్ షీర్ కుర్మ,రామనవని పానకాన్ని

ఏకోదరుల్ల పంచుకున్నాము

ఏపొలిటికల్ పెద్దపులులొ తెలియవుకాని

జనారణ్యపు జంతువులమైన మమ్మల్ని

ముస్లిం మేకలను,హిందు గొర్రెలను చేసి

మతాలగీతలు గీసి మాగొంతులు కోసారు

రామాలయంలొ రాముడు బాగానే వున్నాడు

మసీదులొ అల్ల హాయిగానే వున్నాడు

హైద్రాబాదీనైన నేనె అన్యయమైపొయాను

అడుగువేయలెకున్నను

మహర్షి

యుద్దం..

2010-03-20T13:02:00.002+05:30

మందుపాతరల మబ్బుల మద్యల నక్కి చూస్తున్న వెన్నెల

కెరటాల కవాతులతొ యుద్దానికి దూకుతున్న ధరణి

శతకోటి చుక్కల సైన్యంతొ చంద్రుడు

గ్రహాల గుంపులతొ సాటిలైట్స్ సమూహంతొ

సమరానికి సిద్దమైన సూర్యుడు

మేఘాల ఘీంకారాలు యుధ్దభేరిని మోగించాయి

అంతలొ...

అనుకోకుండా అపరిచితుడిలాంటి మానవుడు

ఆక్సిజన్ ఆవహించుకుని

కార్బండైఆక్సైడ్ కలగలిసిన

కాలుష్యపు కఠినస్త్రాలతొ

సమస్తాన్ని ఆక్రమిస్తున్నడు.. అంతం చేస్తున్నాడు...!

మహర్షి

2010-03-11T09:07:00.006+05:30

ముఖకవలికలొ మధురమైనది మందహాసం

నాయద మోమున చిందిన మందహాసాన్ని చూసి

నిర్మలమైన ఆకాశంలొ నాకోసం

నవ్వుతున్నాయి మేఘాలు

మేఘాలను చూసిన జాబిలి

జాబిలిని చూసిన తారలు

పల్లపొడి ప్రసారాల మాదిరి

పల్లికిలించి పరవసిస్తున్నరు

నా అనందం అనంతాన వ్యాపించింది..

నా సంతొషాలా స్వరాలకు

పక్షులు పల్లవి పాడగా

చెట్లుచేమలు చరణాలను కూర్చాయి

ప్రపంచమంతా పరవసించి

నాతొ గొంతుకలిపింది

అంతరిక్షంలో సైతం

అంతులేక కురిసింది ఆనందాల వాన..!

మహర్షి

ఎలా...?

2010-02-06T13:24:00.002+05:30

నిప్పుల్లొ నిలబడిన చెలించని నన్ను

వదలని నీ ద్యాస దహించేస్తుంది

ఏబందానికి అందని నన్ను

నీ బంధం బందీని చేస్తుంది

ఏభావనకి చదరని నేను

అందని నీ ఆదరనకై ఆరాటపడుతున్నా

ఏఅస్త్రము చేదించని నా గుండెను

నీ చూపుల చురకత్తులు చీల్చెస్తున్నయి

ఆవేషం తప్ప ఆలొచనలేని నన్ను

అనుక్షణం నీకై ఆలొచింపచేస్తున్నవు

రౌద్రంగా వుండే నా కన్నులు నేడు నిర్మలంగా

నీకై కలలు కంటున్నాయి

మౌనంగా మట్లాడే నా పెదవులు

నీ పేరును కాక మరేమి పలకటంలేదు

నాకే తెలియకుండా నన్ను సైతం నీకు అనువుగా మార్చుకుని

నీకేమి తెలియదంటె ఎలా...?

మహర్షి

కష్టం

2010-02-03T17:55:00.003+05:30

అచ్చుతప్పు కష్టాలు

మద్యహ్నం నిదుర లేచేవాడికి ఉదయాన్నె లేవడమె మహాకష్టము

ఎండాకాలంలొ ఎ.సి పనిచేయకపోయిన సీతాకాలంలొ హీటర్ పనిచేయకపోయిన అదే అతిపెద్ద కష్టము

ఏసంధర్బంలొ ఏబట్టలు వేసుకొవాలొ తెలియని విచిత్రమైన కష్టం

బలాదూరు తిరుగుతున్న సమయంలొ బైకు ఆగిపొతె భరించలేని కష్టం

పదివేల పాకెట్ మనీలొ ఒకవెయ్యి తగ్గితె తీవ్రమైన కష్టం

కష్టానికె కష్టమైనంత కరీదైన కష్టం.....

అసలైన కష్టాలు

నకనకలాడుతున్న పేగులతొ బుక్కెడు బువ్వకి భిక్షమెత్తుకునె

పసివాడిని అడుగు కష్టమంటె

తలపైన తట్ట, తట్టనిండ ఇటుక,

ఇటుక ఒకటి జారి కాలివేలు నలిగితె

నల్లమట్టి చల్లి నెత్తురానకట్ట కట్టి

నలపై మెట్లెక్కె కూలీని అడుగు కష్టమంటె

నడినెత్తిన సూరీడు నడుముపైన మూట

మూటదింపి ఇంటికెల్లి మెతుకు మింగి పడుకుంటె

కమిలిపోయిన వీపుతొ కునుకైనా రాని

కార్మికుడిని అడుగు కష్టమంటె

వేలువేలు అప్పుతెచ్చి పొలం దున్ని పంటవేసి

పంటమొత్తం పురుగు పడితె

పురుగుమందు తెచ్చి కొట్టిన పంట చేతికి రాకపోతె

ఉరితాడుకు ఊయలూగిన రైతునడుగు కష్టమంటె

లోకమంతా వెక్కిరిస్తె,వెక్కి వెక్కి

ఏడుస్తున్న వినిపించక

కన్నబిడ్డను చెత్తకుప్పల విసిరివేసిన

కన్యతల్లిని అడుగు కష్టమంటె

విసిరివేసిన విస్తర్లలొ

వెతికి వెతికి మెతుకు మింగి

బతుకునీడ్చుటకు అలమటించే

అనాదనడుగు కష్టమంటె

మహర్షి

ఆగ్రహం

2010-01-27T09:09:00.003+05:30

బద్దలైన అగ్నిపర్వతంలా అంతులేనిది నా ఆగ్రహం

వంద కిలోల ఆర్.డి.ఎక్స్ విస్పొటనంలా విపరీతమైనది నా కోపం

వేయి మదపుటేనుగుల మాదిరి ద్వజమెత్తిన ఆగ్రహం

బుసకొట్టిన నాగుని వడిసి పట్టిన ముంగీస మదహంకారం నా కొపం

నింగినిసైతం మింగె అంతులేని అమావాస్య నా ఆగ్రహం

వంద భూకంపాల బీభత్సంలా బీకరమైంది నా కోపం

మహా సముద్రాలన్ని మూకుమ్మడిగా ముంచెత్తిన సునామి తీవ్రత నా ఆగ్రహం

అంతులేనిది,అదుపులేనిది,ఆలొచన అన్నది అసలే లేనిది

మహర్షి

2010-01-18T23:43:00.004+05:30

నా చేరువలొ నువ్వు లేని వేళ ఈ దూరం మీద కోపం

నీ మీద కాదు

నీ రాక తెలిసిన వేళ నిలిచిన నిమిషం మీద కోపం

నీ మీద కాదు

నీ రాక ఆలస్యమైన వేళ తొందరగా గడిచిన కాలం మీద కోపం

నీ మీద కాదు

నీవు వచ్చిన వేళ నీతొ మాట్లడలేని నా మౌనం మీద కోపం

నీ మీద కాదు

నీవు వెళ్ళిపోతున్న వేళ నిన్ను చేరలేని దూరం మీద కోపం

నీ మీద కాదు

నా జీవన ఎడారిలొ వర్షించిన హర్షితం నీవు

నా అంధకారపు ఆకాశానికి జాబిలి నీవు

నీపైన నాకు కోపమా అది సాద్యమా....!

మహర్షి

2009-12-29T10:00:00.005+05:30

తడబడు నీ మాటలతొ నన్ను తంత్రించావు

ముద్దులొలికే నీ మోముతొ నన్ను మంత్రించావు

కదిలే నీ కనుపాపలతొ నన్ను కట్టిపడేసావు

నాగులాంటి నాసిక ఉచ్వాసలొ నన్ను నిర్బంధించి

నిశ్వసలొ నా ఊపిరి తీసావు

నర్తించే నీ అడుగుల సవ్వడిలొ నాయదని బంధించావు

నీ కనిష్ఠికతొ నా కంఠనాళన్ని లాగి ముడివేసావు

నీ కటిక చీకటి కురులకరాగ్రుహంలొ నన్ను కబలించావు...

మహర్షి

మరుపు

2009-12-24T18:00:00.001+05:30

మరిచిపొ తనతొ నడిచిన నడకని

మరిచిపొ తనతొ నవ్విన నవ్వుని

మరిచిపొ తనతొ కలిగిన చనువును

మరిచిపొ తను పిలిచిన నీపేరుని

మరిచిపొ తను వదిలేసిన నీప్రేమని

మరిచిపొ తనతొ మరిచిపోలేని మధురక్షణాలని

మరిచిపొయె ప్రతీక్షణం మరణిస్తావని మరిచిపోకు....!

మహర్షి

నువ్వునేను

2009-12-19T10:16:00.002+05:30

నేను రచైతనైతె నువ్వు నా రచనవి

నేను కవినైతె నువ్వు నా కవితవు

నేను గాయకుడినైతె నువ్వు నా గాత్రానివి

నేను పాటనైతె నువ్వు నా రాగానివి

నేను నింగినైతె నువ్వు నా రంగువి

నేను రాత్రినైతె నువ్వు నా జాబిలి

నేను కెరటమైతె నువ్వు నా తీరానివి

నేను ఉరుమునైతె నువ్వు నా మెరుపువు

నేను దారినైతె నువ్వు నా పరుగువు

నేను నిదురనైతె నువ్వు నా కలవు

నేను చూపునైతె నువ్వు నా కనుపాపవు

నేను ఊపిరైతే నువ్వు నా శ్వాసవు

నేను యదనైతె నువ్వు నా సవ్వడివి

నెను జీవమైతె నువ్వు నా ప్రాణానివి

నేను శూన్యమైతే నువ్వు నా అనంతానివి

నీకేమీ కాని నాకు అన్నీ నువ్వే

మహర్షి

మోసం చేసావు..!

2009-11-23T09:10:00.002+05:30

ప్రేమించానన్నవు

నాతొ జీవిస్తానన్నవు

నాకోసం మరణిస్తానన్నవు

మాటల మాయాజాలంతొ నన్ను మంత్రించావు

అబద్దాల అంతస్థులు కట్టవు

అక్కడనుండి నన్ను తోసెసావు

కమ్మని ప్రేమని రుచిచూపించావు

ఆకలి అనేలొపు అందులో విషాన్ని కలిపావు

నా జీవితాన్ని నీ వొడిలొ కలగన్నా

కల్లలు చేసి కన్నులను పొడిచేసావు

నీ బంధానికి బంధీని చేసావు

నీ కల్లల కోర్టులొ నన్ను దొషిని చేసావు

నా మనసుకు ఉరిశిక్ష వేసావు

నన్ను మోసం చేసావు...!

మహర్షి

ప్రేమిస్తున్న...

2009-11-16T19:07:00.001+05:30

నీ నయనాలను ప్రేమించా

నావైపు చూడకపొవా అని

కటికచీకటిని పోలిన నీ కురులను ప్రేమించా

ప్రేమగా నావేలికి అల్లుకుపొవా అని

ఓంకారపు వొంపులు తిరిగిన నీ చెవులను ప్రేమించా

నా మాటలు వినకపోవా అని

నీ అదరాలను మధురాతి మధురంగా ప్రేమించా

నన్ను పలకరించకపొవా అని

నీ పాదాలను ప్రేమించా

నాతొ కలిసి నడిచిరాకపొవా అని

నీ హృదయాన్ని ప్రేమించా

నా హృదయంతొ ఏకమైపొదా అని

చెలీ ...!

నీ ప్రేమ పొందలేని మరుక్షణాన

నేను నా మరణాన్ని ప్రేమిస్తా ....

మహర్షి

ఎవరు నేను....?

2009-11-16T18:54:00.001+05:30

నా నేత్రం అగ్నిహొత్రం

నా ఉచ్వాసనిశ్వాసలు ఓంకారనాదాలు

నా పలుకులు రామ బాణాలు

నా మనసు అమృతభాండం

నా కోపం అగ్నిపర్వతం

నా శాంతం మంచుపర్వతం

నా ఆవేషం ఆకాశం

నా ఆలొచన పాతళం

పంఛబూతాలు నా ప్రాణాలు

మహర్షి

నాలొ నీవు.....

2009-11-09T22:11:00.001+05:30

నా నోటికి మాట నీవు

అందులోని మాదుర్యం నీవు

నా పెదవికి చిరునవ్వు నీవు

అందుకు కారణం నీవు

నా కలానికి పదము నీవు

అందులోని ప్రేరణ నీవు

మహర్షి

నా పదానికి పాట నీవు

అందులోని రాగం నీవు

చివరికి

నేను రాసె ప్రతీ కావ్యం నీవు

అందులోని భాష నీవు భావం నీవు మొదలు నీవు ముగింపు నీవె

నా కంటికి చూపు నీవు

అందులోని కను{పసి}పాప నీవు

నాలొని ప్రాణం నీవు

అందులోని ఊపిరి నీవు

చివరికి

నా య్రుదయంలో నీవు

హృదయ స్పందన నీవు నా జీవం నీవు నా సర్వం నీవె

ఆనందం

2009-10-30T10:17:00.001+05:30

ఆవేధనల ఆకాశపు అంతస్తుల నుండి

అమంతంగా ఆనందపు అట్టడుగున పడ్డాను

అవదులే లేని అనందంలొ

చమత్కారపు కొండచర్యలు విరిగిపడ్డాయి

ఉన్నట్టుండి ఉల్లసిల్లిపడ్డాను

కష్టాలె ఇష్టమిత్రుడైన నాకు

ఆచోటు ఎదొ అచ్చిరాలెదు

నా దుఃఖాన్ని దూరంగా నెట్టెసారు

అప్పుడె అనుకున్నను

"బాధల వ్యాదితొ నలతపడిన నాకు

Dr.హస్యం ఇచ్చిన కేరింత టానిక్కు

ప్రభావం చూపెడుతుంది" అని

మహర్షి

మహా కవికి లేఖ

2009-10-28T13:42:00.001+05:30

ఓ మహా కవి శ్రీశ్రీ

ఉభయకుసలోపరి అని రాయలేను ఏందుకంటే మీరు స్వర్గంలొ కుశలంగా వుండొచ్చెమొ కాని మెము లెము

ఇక విషయానికి వస్తే నా చిన్నతనం లొ మీరు రాసిన పుడతల్లరా బుడతల్లరా మేదె మేదె ఈలొకం అని విని నిజమేమొ అనుకున్నను, కాని వెల్లిన ప్రతీచొట మీచేత లికించబడిన మనది ఒకబ్రతుకెన కుక్కలవలె నక్కలవలె అని సంబొదించిన కుక్కల గుంపులొ నన్ను కూడ కలిపేసారు...

నిన్ను పునికిపుచ్చుకున్న లక్షనాలు కలిగిన నేను అలా జీవించలేక అగ్గిపుల్ల,సబ్బుబిల్ల కుక్కపిల్ల కాదేది కవికి అనర్హం అని నీవు కవికి ఇచ్చిన రెక్కలను నేను కట్టుకుని కవితా లొకంలొ విహరిస్తూ.. నా కలన్ని కడ్గంగా మార్చి అక్షరపు అనుభాంబులను సమాజపు అవినీతిపై విసరాలనుకున్నాను కాని ఓ మహాకవి నోరులెని జీవలపైనె తప్ప నోరున్న సమాజంపైన నా యుద్దం అంతరాయం కలిగింది ఏందుకు అంటవా.....?

రాజకీయ నాయకులపై విసిరిన నా తొలి అక్షరం పక్కన వున్న స్టెన్ గన్ దాటికి తూట్లుపడిపొయింది.

రౌడీలపై జులిపించిన నా కవితా కడ్గం వాల్లచేతుల్లొని గొడ్డలి పదునుకు తట్టుకోలెక ముక్కలైపొయింది.

ముచ్చటగా మూడవసారి నేను పేల్చిన మతసామరస్యపు తూట మ(త)దపు పిచ్చి పట్టిన మనుషుల పోరులొ పారిన రక్తపుటేరులొ పడి ఊపిరి అందక ఊగిసలాడుతు ప్రాణాలు వదిలింది.

ఇదంతా చూసిన నాకు ఒక క్షణం వెన్నులొ వణుకు పుట్టింది "ఏదొరోజు నన్ను నా కలన్ని కూడ వురితీస్తరెమొ" అని. కాని శ్రీశ్రీ పదాల పాలుతాగి పెరిగిన నాకు భయమెమిటి....? అని ప్రశ్నించుకుని నా అంతరంగాన్ని నీతొ పంచుకోవలని నా దైర్యన్ని పెంచుకొవాలని రాస్తున్నను ఈలేఖ.

నీ ఆవేశపు ఆశీస్సులు నావెంట వుంటాయని ఆశిస్తూ

మీ

అభిమాని

c/o మానవులు

భూమి

మహర్షి

జీవితం

2009-10-28T10:32:00.001+05:30

ఎంత విచిత్రమైనదొ కదా...

కన్నుతెరిస్తె జనణం కన్ను మూస్తె మరణం...

నడిమద్య జీవితం నాటకం బూటకం అన్నరు

నిజమె మనిషి ఎన్నొ పాత్రలకు ఏకపాత్రభినయం చేస్తు

ప్రపంచపు రంగస్థలం మీద రంగులు పులుముకుని జీవిస్తున్నడు

కాని నిజం ఏమిటంటె ఆరంగులు వెసుకుని వేసుకుని

మనిషి అన్న నిజన్ని మర్చిపొయాడు

తనకే తెలీకుండ తనకు తానే పాత్రకు అన్యయం చేసుకుంటున్నడు

జీవితం అంటె జీవించడం అన్నది మర్చిపొయాడు

కేవలం నటిస్తున్నడు.....!

మహర్షి

ఏమైందొ తెలియదు...

2009-10-27T19:19:00.001+05:30

కాగితం కలం పట్టుకుని కూర్చున్నాను

అంతలొ ఏమైందొ తెలీదు కాని

నిమిషం జరిగిపొతునే వుంది

నాకలం ముందుకు వెల్లటం లెదు

కలం హ్రుదయం లొ సిరా అయిపొయిందా

అని సందెహం కలిగింది నా య్రుదయంలొ

వెనువెంటనె కలం య్రుదయంలొకి

దొంగలా తొంగి చూసాను

వెంటనె నాకలం నాతొ గుసగుసలాడింది

నా నరనరంలొ సిరా ఇంకా వుంది...!

నీ రక్తంలొ అక్షరాల లక్షనాలు తగ్గిపొయాయెమొ

ఒకసారి అనుబంధం,ఆవేదన,ప్రేమ,అనందం,విషాద వైద్యులను కలువు....

మహర్షి

నేలకు జారిన నేను...

2009-10-19T18:34:00.001+05:30

ఆకాశంలొ అందంగా నేనున్నను

ఉదయ ఉషతొ సాయంత్రపు సంధ్యతొ

దాగుడుమూతలు ఆడుతు

కేరింతలు కొడుతు అలసినవేల

నిషి వడిలొ వొదిగి

చుక్కలు చెక్కిలిపై నిమరగా..

విసనకర్ర వీచికతొ వాయువు...!

దిక్కుల రెక్కలపై ఊగుతు ఊరెగుతు

నిదిరించిన నా కలలొ నిన్ను కాంచి మైమరచిపోయా

నిన్నుచేరాలని వడిగ వడివడిగా అడుగిడి

నిన్ను చేరగా చిరుచినుకై..!

వొంపుసొంపుల హొయలతొ పరుగులు తీస్తు

జలపాతపు వడిలోకి జారి

సముద్రపు కౌగిలిలొ కలిసావు ....

నన్ను కడతేర్చావు ......!

మహర్షి

2009-10-19T17:39:00.001+05:30

మనిషిగా వున్న మనసుతొలెను

చలణం వున్న చలించలెకున్న

వేదనలొ వున్న రొదించలెకున్న

అతిమెత్తని మనసేవున్న

ఈ ప్రపంచానికి భయపడుతు

పురుషహంకారపు మెకపోతుగాంభీర్యం ప్రదర్షిస్తున్న...

మహర్షి

జీవచ్చవాన్ని.

2009-10-04T15:05:00.002+05:30

ఓ చెలి..! నా జీవితకాలం

నీ జ్ఞాపకాల నీడలతో

నిత్యం నీ ఊహలతో

నా హ్రుదయాలయంలో

నిన్ను ఆరాధించానే కానీ..

అందుకోలేని అసమర్దుణ్ణి..

నీకు నాకు మధ్య నిర్మించిన

మత మౌఢ్యాల గోడలను

దూకలెక ఏడ్చిన ఏకాకిని

కులాకుతంత్రాల శిలాశాసనాల్ని

ధిక్కరించలేని దీనుణ్ణి..

ఐశ్వర్య అంతరాలతో

ధనమదాంధుల ఉబ్బలి నీతికి

బలియైపోయిన బక్కప్రాణిని.. వర్గ భేదాల వల్ల కాటిలొ కాలిబూడిదైన జీవచ్చవాన్ని....!

మహర్షి

నేను నీకు ఏమికాను కాని నువ్వు నా ప్రాణం

2009-09-05T12:16:00.001+05:30

నాతో సంబాషించడానికి సంకోచిస్తే

నేను నీకు ఏమికాను

నా ఉనికి నిన్ను ఇబ్బందికి గురిచేస్తే

నేను నీకు ఏమికాను

నాకు ప్రతిసారి కృతజ్ఞత చెబితే

నేను నీకు ఏమికాను

నువ్వు చేసిన తప్పుకు క్షమించమని అడిగితే

నేను నీకు ఏమికాను

నన్ను సాయం కోరితే

నేను నీకు ఏమికాను

నేను చెప్పిందిమాత్రమే నువ్వు చేసిననాడు

నేను నీకు ఏమికాను

నా మదిలో మాట నువ్వు తెలుసుకోలేనినాడు

నేను నీకు ఏమికాను

నీ పలుకులు వినకుండా నేను పడుకున్నాను అనుకుంటే

నేను నీకు ఏమికాను

నీ గాయానికి నా నయనం తడిసిందంటే నమ్మడం లేదా

ఐతే నేను నీకు ఏమికాను

మన మొదటి కలయిక నాకు గుర్తులేధనుకుంటే

నేను నీకు ఏమికాను

నీ ఆనందానికి నన్ను నేను సమర్పించుకోలేకపోతే

నేను నీకు నిజంగానే ఏమికాను ....

మహర్షి

2009-09-05T11:20:00.001+05:30

కాలం RDX లాంటిది
అది ఎప్పుడు వికటిస్తుందో
ఎవరికీ తెలీదు....!
జీవితానికి తప్పదు అంతం
మూగబోయెను నా గాత్రం
బళ్ళున న గుండె విస్ఫోటనం విరుచుకుపడిన సమయాన వీక్షించేందుకు నేను వుండను

మహర్షి

Y......O.......U

2009-09-05T10:34:00.001+05:30

I wanna be with you

To say i love you

That you may knew

Though you go so far

But I feel you near

And I love you for ever...........

మహర్షి

నువ్వే ఎదురైతే ప్రియ....!

2009-09-02T15:25:00.001+05:30

నీ ముగ్ధ మనోహర రూపం

తలపులో కదలగానే

ఏదో అవ్యక్త మధురగానం

మనసుని చుట్టుకుని

కలవరం కలిగిస్తుంది

నీ ఉహా మదిలో మెదలగానే

ఏదో అద్బుత పరిమళం

బ్రతుకంతా కమ్ముకొని

పరవశం కలిగిస్తుంది

నీ కనుచూపుల జ్ఞాపకం సోకగానే

ఏదో మనోహర ప్రశాంత సుందర దృశ్యం

కళ్ళచుట్టూ ఆవరించుకొని

కాంతి పుంజ ప్రసారాలు చేస్తుంది

నీ పలుకుల మాధుర్యం ఉహించుకోగానే

చల్లని సురభిళ సమీర వీచిక

తనువును మనసునూ సేదతీరుస్తూ పులకరింపచేస్తుంది

ఉహాలు తలపులే ఇంత మంత్ర మోహనంగా వుంటే

ఇక నీవే కనికరించి ఎదురైతే ప్రియ

నా బడుగు హృదయం భరించగాలద....

మహర్షి

మృత్యువు

2009-08-30T19:55:00.001+05:30

జీవితపు వలలో నిమిషపు నీటి చుక్కలు జారిపోతున్నాయి....

నా ఆయువు తీరిపోతుంది....!

నా ఉపిరి ఆరిపోతుంది....

మరణం చేరువవ్తుంది............!

మహర్షి

నీ తలపులు

2009-08-28T22:54:00.001+05:30

ఉదయం సమీపిస్తుంది ప్రియ

నీ జ్ఞాపకాలు గుర్తుకువస్తున్నాయి

నీ ఆలోచనల నుండి పారిపోతున్నాను

కాని నా మనసు నన్ను వెంబడిస్తుంది.....!

చీకటి ముంచుకు వస్తుంది ప్రియ

నీ తలపులు గుర్తుకువస్తున్నాయి

మరచిపోవాలి అనుకున్నని

మరణం వెంబడిస్తుంది.........!

మహర్షి

నేను కారణమా....?

2009-08-28T16:11:00.001+05:30

నా మాటలు నీ మరణానికి కారణమా...?

నే ముగాబోఎవన్నిగా....!

నా చూపులు నీ చావును చూసాయా....?

నే అందుడినయ్యేవన్నిగా....!

నా ప్రాణం నీ ఉపిరితీసింద.......?

వాటిని పంచబూతల్లో కలిపెసేవన్నిగా .....!

నీ హృదయం అతిసున్నితం....

అనుకోకుండా అయ్యాను నీకు దాసోహం.....!

కాని నాలో కలిగింది భయం.....

చూసుకోగాలన నీసుకుమారపు హృదయాన్ని సురక్షితంగా అని.....!

అందుకే

నిన్ను కలవోద్ధనుకున్నాను కాని కడతేర్చలనుకోలేదు ప్రియ.......!

మహర్షి

2009-08-14T01:41:00.001+05:30

I am falling in love with my grave so
I am walking alone
Cos am a gone geese
I am on the crest
This is the best
I can do for the last
I am falling in love with my grave

మహర్షి

2009-08-14T01:11:00.001+05:30

ఏంటి నేను ఇలావున్నాను..... నాకెందు ఇంత సున్నితమనస్తత్వం......నేను ఎందుకు అందరినుండి ఏదో ఆశిస్తాను...... ఐనా ప్రేమించాలే కాని అసించకోడదు కదా.... మరి నేనేంటి ఇలా....?

నా అంతరాత్మ.....

నువ్వు అంతేరా ప్రతిమనిషి హృదయం ఒకేలా వుండలేదు కదా... ప్రతిమనిషి మరో మనిషిని ప్రేమిస్తాడు కాని అందరికంటే తనను తాను ఎక్కువగా ప్రేమిస్తాడు అందువల్ల అవతలివారి ప్రేమ లబించకపోయిన చింతించడు...... నువ్వు అవతలివారిని నీకంటే ఎక్కువగా ప్రేమిస్తావు.... నీకంటూ ఏమి మిగలదు హృదయం స్పందించడానికి ప్రేమ అవసరం అది నీవు అవతలివారి నుండి అసిస్తావు కాని ప్రత్రిసారి నిరుత్సాహ పరుస్తుంది కాలం.... అలా అని చింతించకు ఏదో ఒకరోజు ప్రపంచమంతా కాకపోయినా నీవాళ్ళు నిన్ను ప్రేమిస్తారు... నీవు మాత్రం ఎవ్వరిని ద్వేశించకు సుమా....... ఎవ్వరిని ద్వేషించిన గాయం నీ హృదయానికే ..... ఎందుకంటే వారందరి c/o address నీ హృదయం ......

మహర్షి

2009-06-27T19:21:00.001+05:30

అక్షరము అను శరము

రక్షణలేక శిక్షణ లేని పాలసుల శాస్త్రముగా మారినది

అవివేకులు ఏకమై తలమునంత

నిష్టనికృష్ట అనిష్టము అవర్తరిస్తున్నారు

రాముడి పాలనఏమో......?

రాక్షస పాలన కళ్ళకు కనువిందైనది......

ప్రభువు పరమాత్మ ఐనా ......

దూతలు ధయ్యములాయెను.....!

రక్షణభట్టుల రాజ్యన నిత్యం రాక్షస భటులైతే.........

నరలోకము కాదిది నరకలోకమా అను సందేహము కలిగెను.......!

మహర్షి

కవిత by కపిరాజు

2009-06-27T19:07:00.000+05:30

కంటికి కాంతి

చెవులకు ధ్వని

నోటికి మాట

శ్వాసకి గాలి

హృదయానికి స్పందన

చేతికి పని కాళ్ళకు నడక

స్త్రీకి ఓక అండ

పురుషుడికో తోడు కావాలంటాడు జండాపై కపిరాజు

ఏమౌతుంది ఈ ధరిథ్రి

2009-06-15T11:53:00.002+05:30

ఎందుకొరకు ఈ దరిద్రి ధరిద్రముగా మారుతున్నది
ప్రజాస్వామ్య ప్రభుత్వమప్పుడు ప్రజాహింస రాజ్యమిప్పుడు
పెద్దవాడు పేదకాడు, లేనివాడు పెద్దకాడు
వావివరుసలు తెలియకున్నవి ,కన్నుమిన్ను కానకున్నది
కరుణలేని శవాలన్నీ కాటినుండి వచుచున్నవి
మానవత్వము మచుకైనా కానరాదు మనిషిలోన
నాకు తెలుసు నాకు తెలుసు ఎక్కడున్నదో నాకుతెలుసు
కాటిలోనా కాలుతున్నది సమాజంలో సమాదైనది
శాంతియన్న కాంతి ఒక్కటి కారుచీకటిలోన కలసినది
వేలుతురన్నది లేకపోయినది లోకమంతా చీకటైనది
ఏమౌతుంది ఈదరిద్రి ఇంతకంటే ఇంతకంటే .......!

మహర్షి

గమ్యం

2009-06-15T11:47:00.001+05:30

అక్షర గమ్యం పదం వరకు
పదం గమ్యం కాగితం వరకు

పలుకు గమ్యం పాట వరకు
పల్లవి గమ్యం చరణం వరకు

శబ్దం గమ్యం నిశ్శబ్ధం వరకు
నిశ్శబ్ధం గమ్యం శబ్దం వరకు

నది గమ్యం సముద్రం వరకు
సముద్ర గమ్యం తీరం వరకు

చీకటి గమ్యం వెలుగు వరకు
సూర్యుడి గమ్యం పడమర వరకు

ఆశ గమ్యం అంబరం వరకు
అత్యాశ గమ్యం అనర్ధం వరకు (అంతం వరకు )

వయసు గమ్యం వలపు వరకు
ప్రేమ గమ్యం పెళ్లి వరకు

గురి గమ్యం లక్ష్యం వరకు
ఓటమి గమ్యం గెలుపు వరకు

బాధ గమ్యం ఏడ్పు వరకు
ఒంటరి గమ్యం తోడు వరకు

మనిషి గమ్యం మరణం వరకు
కీర్తి గమ్యం అనంతం వరకు

మహర్షి

కవిత

2009-06-15T11:42:00.001+05:30

మదిలోని కళలు

కధనముగా మర్చి

కధనమును కారమునకు చేర్చి

కాలమునకు జార్చి సిరముగా మర్చి

కాగితమున కూర్చునది కవిత్వము

మహర్షి